کاوە گەرمیانی

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
کاوە گەرمیانی
لەدایکبوون ١٩٨١
گەرمیان ، باشووری کوردستان
مەرگ ٥ی کانوونی یەکەمی ٢٠١٣ (تیرۆر)
ھۆکاری مەرگ کوشتن
شوێنی دۆزینەوەی تەرم ماڵی کاوە
شوێنی گۆڕ گۆڕستانی كه‌لاری‌ كۆن
نەتەوە کورد
ناوەکانی تر کاوە گەرمیانی
پیشە ڕۆژنامەنووس ، سەرنووسەری گۆڤاری ڕایەڵ
ھاوسەر شیرین ئەمین

کاوە گەرمیانی ناوی تەواوی کاوە محمد ئەحمەد لە دایک بووی ۱۹۸١ بوو.[١] ڕۆژنامەنوس و سەرنوسەری گۆڤاری ڕایەڵ و پێشتر گۆڤاری گەڕان بوو کە ڕۆژی ۵/۱۲/۲٠۱۳ لەبەردەم ماڵەکەی خۆیدا لە لایەن چەن چەکدارێکەوە درایە بەر دەستڕێژی گولە و کوژرا. کاوە دوای کوژرانی سۆران مامە حەمە و سەردەشت عوسمان سێیەم ڕۆژنامەنوسی دیاری کوردستانی باشور بوو تا ئێستا کوژراون. کاوە هەروەها کاری بۆ ڕۆژنامەی ئاوێنە کردووە.[٢]

ژیانی تایبەتی[دەستکاری]

کاوە خەڵکی شاری کەلار و دانیشتوی هەمان شارۆچکە بوو. کاوە خێزاندار بوو.

گۆڤاری ڕایەڵ[دەستکاری]

گۆڤاری ڕایەڵ گۆڤارێکی ئەلیکترۆنی (سەرهێڵ)ە و ماڵپەڕی سەرەکی ڕایەڵ ئەمەیە http://rayelpress.com/ (دوا سەردان ۵/۱۲/۲٠۱۳)

هەڕەشە و دادگاییکردن[دەستکاری]

کاوە گەرمیانی هەم داوای لەسەر بەرپرسێکی یەکێتی نیشتیمانی تۆمارکردبوو بە ناوی مەحمود سەنگاوی[٣]. هەم چەن داوایەکی دژی تۆمار کرابوو. پێشتریش هەڕەشەی لێ کرابوو.

کاردانەوەکان دوای تیرۆرکردنی[دەستکاری]

لە دوای تیرۆرکردنی کاوە گەرمیانی ، خۆپیشاندان و ناڕەزایییەکان زۆربەی ناچەکانی کوردستانی گرتەوە بەتایبەتی گەرمیان و سلێمانی[٤] و هەولێر هتد.. ، هاوکات زۆربەی ڕێکخراو[٥] و حیزبە کوردییەکان بەیاننامە و ئیدانەیان کرد لەڕێگای دەزگاکانی ڕاگەیاندنەکانییانەوە ، هاوکات کاردانەوەی نێودەوڵەتیشی لێکەوتەوە لەوێنەی هەڵوێستی چەند پەرلەمانتارێکی سوید[٦]وە ئاژانسی وۆرلد بلوتین نووسیویەتی، ڕۆژنامەوانێکی کورد لە دژە گەندەڵی لە کوردستان کوژرا[٧].

دوابەدوای تیرۆرکرانی کاوە گەرمیانی، رێکخراوی هەواڵنێرانی بێ سنوورRSF، بەیاننامەیەکی نووسراوی سەبارەت بە تیرۆەکە بڵاوکردەوە و وێڕای مەحکوومکردنی تیرۆری ناوبراو، داوای لە بەرپرسانی هەرێمی کوردستان کرد بکوژانی کاوە بدۆزنەوە. رێکخراوی هەواڵنێرانی بێ سنوور وێڕای سەرەخۆشی لە بنەماڵەی کاوە گەرمیانی، ئاماژەی بە هەوڵەکانی ئەو رۆژنامەنووسە کوردە بۆ تیشک خستنە سەر پرسی گەندەڵی و بەرتیل وەرگرتن لە هەرێمی کوردستان کردووە. بە گوێرەی RSF، کاوە گەرمیانی بەهۆی پیشە و چالاکییەکانی لەم بوارەدا، زۆر جار هەڕەشەی لێکراوە و سەرەڕای ئەوەی کە بەرپرسان ئاگاداری ئەو هەڕەشانە بوونە، ئەرکی خۆیان بەجێ نەگەیاندووە بۆیە کە کوژرانی کاوە، نیشاندەری ئەو راستییەیە. رێکخراوەکە، نیگەرانی خۆی لە هەمبەر نەبوونی ئاسایش لە هەرێمی کوردستان و لە عێراق بەگشتی و هەروەها سزانەدرانی بکوژان و هێرشبەرانی سەر رۆژنامەنووسان دەربڕیوە و داوای لە بەرپرسانی حکوومەتی هەرێمی کوردستان کردووە تا هەوڵ بدەن کەش و هەوایەک بخوڵقێنن تا رۆژنامەنووسان، ئەرکی زانیاری بەخشینیان بە کۆمەڵگا، بێ ترس و دڵەڕاوکێ بەجێ بگەیەنن. هەواڵنێرانی بێ سنوور هەروەها بەرپرسیارێتی لێکۆڵینەوە سەبارەت بە تیرۆری ئەو رۆژنامەنووسەی خستۆتە سەر ئەستۆی بەرپرسانی هەرێمی کوردستان و عێراق و هاوکات بەداخبوونی خۆی لەمەش نیشان داوە کە تەنیا ٤٨ کاتژمێر بەر لە کوژرانی، کاوە گەرمیانی لە شاری سلێمانی بەشداری لە کۆبوونەوەیەک کردووە کە تێیدا رۆژنامەنووسان و چالاکانی مەدەنی، داوای پەسەندکرانی یاسایەکیان کردبوو تا مافی ئازادی و ئاسایشی راگەیاندنەکان گەرەنتی بکرێ[٨].

پەراوێزەکان[دەستکاری]

  1. ڕۆژنامەی ئاوێنە مەراسیمی بەخاک سپاردنی دواین سەردان ۵/۱۲/۲٠۱۳
  2. ڕۆژنامەی ئاوێنە ڕۆژنامەنوسێکی ئاوێنە کوژرا دواین سەردان ۵/۱۲/۲٠۱۳
  3. ڕۆژنامەی ئاوێنە كاوه‌ گه‌رمیانی‌ سكاڵای‌ یاسایی‌ له‌سه‌ر مه‌حمود سه‌نگاوی‌ تۆمار ده‌كات دواین سەردان ۵/۱۲/۲٠۱۳
  4. http://rudaw.net/sorani/kurdistan/0712201320?keyword=%DA%A9%D8%A7%D9%88%DB%95%20%DA%AF%DB%95%D8%B1%D9%85%DB%8C%D8%A7%D9%86%DB%8C
  5. http://www.lvinpress.com/newdesign/Dreje.aspx?jimare=22005
  6. هەڵوێستی پەرلەمانتارانی سوێد ، http://rudaw.net/sorani/world/08122013
  7. http://rudaw.net/sorani/world/081220132
  8. هەڵوێستی ڕێکخراوی هەواڵنێرانی بێ سنوور، http://nnsroj.com/detiles.aspx?id=6320&ID_map=23

سەرچاوەکان[دەستکاری]