ڕۆژژمێری ئیسلامی

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان

ڕۆژژمێری ئیسلامی یان ڕۆژژمێری کۆچی ڕۆژژمێرێکە موسڵمانان بە کاری دەهێنن و دابەش دەبێت بۆ کۆچی هەیڤی (قەمەری) و کۆچی هەتاوی (شەمسی).

ڕۆژژمێری کۆچی یان ئیسلامی دەست پێدەکات بە کۆچی پێغەمبەری ئیسلام محەمەد لە مەککەوە بۆ مەدینە. و کۆچەکەی دەست پێکرد لە ڕۆژی پێنج شەممە ٢٦ی سەفەری ساڵی ١ی کۆچی مانگی بەرامبەر؛

  • ٢٠ی سونبلە (شەهریور) ساڵی ١ی کۆچی هەتاوی
  • ١٢ی ئەیلولی ٦٢٢ زایینی.

و گەیشتە قەبا لە نزیک مەدینە لە دووشەممە ٨ی ڕەبیعولئەوەل و گەیشتە مەدینە لە ١٢ی ڕەبیعولئەوەلی هەمان ساڵدا، لەبەر ئەمە بە ڕؤژژمێری کۆچی ناونراوە.

ڕۆژژمێری کۆچی هەیڤی[دەستکاری]

Vista-xmag.png وتاری سەرەکیڕۆژژمێری کۆچیی

ڕۆژژمێری کۆچی هەیڤی پشت ئەبە ستێت بە خولی مانگ بۆ دیاریکردنی مانگەکان، و موسڵمانان لە هەموو شوێنێک بە کاری دەهێنن بەتایبەت بۆ دیاریکردنی بۆنە ئاینییەکان، و شانشینی سعودیەی عەرەبی تاکە دەوڵەتە لە جیهاندا کە ئەو رۆژژمێرە بەکار دەهێنێت.

ئەم ڕۆژژمێرە لەلایەن خەلیفە عومەری کوڕی خەتابەوە دانراوە و یەکەم ڕۆژی ئەم ڕۆژژمێرە هەینی ١ی موحەڕەمی ساڵی ١ی کۆچی مانگی بوو بەرامبەر؛

  • ٢٧ی تیری ساڵی ١ی کۆچی هەتاوی
  • ١٩ی تەمموزی ٦٢٢ی زایینی

ڕۆژژمێری کۆچی هەتاوی[دەستکاری]

Vista-xmag.png وتاری سەرەکیکۆچیی هەتاوی

ڕۆژژمێری کۆچی هەتاوی ڕۆژژمێرێکی هەتاوییە (پەیوەندی هەیە بە خولی هەتاو(خۆر)ەوە)، موسڵمانان بەکاری ئەهێنن بۆ دیاریکردنی کاتە شەرعیەکانی پەیوەندییان بە هەتاو و ڕۆژە هەتاوییەکانەوە هەیە، و لە ئێستادا دوو دەوڵەت بەکاری دەهێنن، ئەوانیش؛ کۆماری ئیسلامی ئێران و ئەفغانستانن.

یەکەم ڕۆژی ئەم ڕۆژژمێرە ١ی فروردینی ساڵی ١ی کۆچی هەتاوییە، بەرامبەر؛

  • ٢٩ی شەعبان ساڵی ١ی پێش کۆچ
  • ٢٢ی ئازاری ٦٢٢ی زایینی

یەکەم ساڵی ئەم ڕۆژژمێرە ساڵی کۆچی پێغەمبەرە لە مەککەوە بۆ مەدینە.

ئەم بابەتانەش ببینە[دەستکاری]

سەرچاوەکان[دەستکاری]