ڕووباری خابوور

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان

ڕووباری خابوور (بەکرمانجی: Xabûr، بەسریانی: ܚܒܘܪ خابوور/هابوور، بەعەرەبی: الخابور‎) گەورەترین لقی هەمیشەیی فوڕاتە لەخاکی سووریادا. ئەگەرچی خابوور لە تورکیاوە سەرچاوە دەگرێت، کانیاوەکانی دەوروبەری رەئس ئەلعەین سەرچاوەی سەرەکی ئاوی ڕووبارەکەن. چەندین دۆڵ تێکەڵ بە خابوور دەبێت لە باکووری حەسیچەدا، کە پێکەوە ئەوە پێک دێنن کە پێی دەوترێت: سێگۆشەی خابوور، یان ناوچەی خابووری سەروو. لەباکوورەوە بۆ باشوور، ڕادەی بارانبارینی ساڵانە لەحەوزی خابووردا کەم دەکات لە سەروو ٤٠٠ میلیمەترەوە بۆ کەمتر لە ٢٠٠ میلیمەتر، کە وادەکات ڕووبارەکە سەرچاوەیەکی سەرەکی کشتوکاڵ بێت بەدرێژایی مێژوو. خابوور تێکەڵ بە فوڕات دەبێت لەنزیک شارۆچکەی بووسەیڕە.