پێوان

وێنەی پێواندنی ئەندازەی پارەکان بە دوو پێوانەی ئینچ و سانتیمەتر

لە زانستدا، پێواندن بریتییە لە ڕەوتی بەدەستھێنانی گەورەییی چەندێتییەک بەگوێرەی یەکەی پێوان، وەکوو: مەترێک یان کیلۆگرەمێک.

مێژووی پێواندن

یەکەکانی پێواندن لە یەکەمین ئامرازەکانی چێکراوی دەستی مرۆڤن. کۆمەڵگا سەرەتایی‌یەکان بۆ زۆر کار پێویستییان بە پێواندن بووە: درووستکرنی خانوو یان جلوبەرگ بە قەبارە و شێوەی پێویست، یان مامەڵە و دانوستانی سەربەسەری خواردەمەنی یان کاڵا.

بەرانبەری ئینگلیزی بۆ پێواندن وشەی measurementە کە لە وشەی یۆنانیی metronەوە گیراوە و واتە ڕێـژەیەکی سنووردار. مێژووی پێوانەکردن لە بابەتەکانی مێژووی زانست و تەکنۆلۆژییە.

ستانداردەکان

یاساکان بۆ پێوانەکردنی دروست، لە بنەڕەتەوە بە مەبەستی بەرگری لە گزی پەرەیان پێدراوە. ئەمڕۆژە، بە شێوەیەکی گشتی، یەکەکانی پێوان لە سەر بنەما زانستییەکان پێناسەدەکرێن و لەلایەن پێکھاتنامەگەلی ناونەتەوەیی‌یەوە دادەمزرێن.

یەکەکان و سیستەمەکان

وتاری سەرەکی: یەکەی پێوان