ویکیپیدیا:چارەسەرکردنی ناکۆکی

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان

(بە ئینگلیزی Dispute resolution) ئەم ڕێبازە پێتدەڵی کە تووشی کێشە بووی لەگەڵ بەکارھێنەرانی دیکە دەبێ چ بکەی. باشتر وایە بزانی کە چۆن ھێمن بیت کاتێ دەستکارییەکان بەتوندی پێش دەڕۆن؛ ھەروا باشترە لەیادت بێت کە لە ویکیپیدیا بردنەوە نییە.

بۆ داواکاری بۆ چارەسەرکردنی کێشەکان لە دچن کەڵک وەربگرن.


بەرگری لە کێشەکان

باشترین ڕێگە بۆ چارەسەرکردنی کێشە، ئەوەیە کە لە پێکھاتنی کیشەکان بەرگری بکەین لەم دەقەی خوارەوەدا باسی ئەوە دەکرێت:

جەختکردنەوە لەسەر ناوەڕۆک

گرینگترین ھەنگاو جەخت کردنەوە لەسەر ناوەڕکە، نەک دانەر یا دەستکاریکەر. ویکیپیدیا لەسەر بنەمای ھاوکاری بەشداربووان پێکھاتووە و ئەمە بەدی نایەت مەگەر بە گۆمانی چەکە لە یەکترین؛ ئەمە بۆ پێکھاتنی ھەر کۆمەڵگایەکی سەرکەوتوو پێویستە.

ئەگەر لە وتارێکدا چاوت کەوت بە بڕگەیەک کە بەڕای تۆ ڕاست نەبوو، یان ھەڵەی تێدابوو، ئەگەر لەتواناتدا بوو، چاکسازی بۆبکە. ئەگەر ئەوەت بۆ ناکرێ و لە وتارەکەدا ڕوانگەیەک باسکراوە کە ۆ پێت ھەڵەیە، مەیسڕەوە، بە زیادکردنی ڕوانگەیەکی دیکە کە پێتوایە درووستە، وتارەکە دەوڵەمەند بکە و کێشەی ڕوانگەکەش ھەر بەوە چاک دەبێت. ئاگادار بن ھەرجۆرە دەقێکی بێ سەرچاوە تاگی لێدەدرێت و لەوانەیە ببێتە ئاکامی سڕینەوە.

هەمووجار لە بەشی پوختەی دەستکارییدا، هۆکارەکانی دەستکاری بنووسن، یا لە پەڕەی لێدوان باسی بکەن و ناردنەوەی بۆ بکەن، بۆ ئەوەی بەکارهێنەرانی دیکە لە هۆکارەکانی ئەو گۆڕانکارییە بگەن.

ئەگەر دەستکارییەکانی تۆیان گەڕاندەوە یان پووچەلیان کردەوە، ئەوە دژایەتی تاکەکەسی مەزانە؛ لەیادت بێ کە بەکارهێنەرانی دیکەش هەوڵ بۆ باشترکردنی ویکیپیدیا دەدەن. باشتر وایە ناکۆکییەکان لە پەڕەی لێدوان چارەسەربکرێن. لەهەر کاتدا، ئەگەر پێت سەلما کە ڕاستی بەتۆ نییە، ئامادەی وەرگرتنی ڕای ئەوانی دیکە بە.

هێمن بە

زۆربەی بارودۆخەکان پێویستیان بە جووڵانەوەی خێرا نییە. سەبارەت بە دەستکارییەکان، کات بدە بە خۆت و بەکارهێنەرانی بەرامبەرت. پەلە مەکە، درەنگ نابێت، دواتریش دەتوانی کێشەکە چارەسەر بکەیت.(لە پەڕەی مێژوو دا هەموو وەشانەکان و وەشانەی مەبەستی تۆ تاکوو هەمیشە دەمێنێتەوە، بۆیە هەرکات دەتوانی بیگەڕێنیتەوە بۆ ئەوە)

مشتومڕ لەگەڵ بەکارهێنەرانی نوێدا (هێندێ جار) دەتوانێ بەسوود بێت بۆ ئاشنا کردنیان بە ڕێبازەکان و فەرهەنگی ویکیپیدیا.

جاری وایە، هێزت لە شوێنێکی دیکە، لەسەر وتارێکی دیکە، بۆ پێشخستنی بەشێکی دیکە دابنەی باشترە تا ئەوەی درێژە بدەی بە ناکۆکی.

لێدوان لەگەڵ ئەوانی دیکە

کاتی لێدوان لەسەر ناکۆکییەکان، لەیادت بێت کە هێمن بیت. ئەگەر تووشی هەڵسوکەوتی ناشیرین و نەگونجاو بوویت، تۆش هەروا وەڵام مەدەرەوە. هەمیشە گومانی چاکە بکە لە بەکارهێنەرانی دیکە، مەگەر دژی ئەوە بسەلمێ پێت. ئەمە کاتی یارمەتی وەرگرتن لە کەسایەتی سێهەمە.

لێدوان و یارمەتی وەرگرتن لە کەسایەتی سێهەم تەنها بۆ نواندن نییە؛ بەسوود دەبێت و ئەوە بۆ پێکهێنانی کۆمەڵگایەکی هێمن پێویستە. نەبوونی لێدوان دەبێتە هۆی پێش نەکەوتنی ڕوانگەکان.


چارەسەرکردنی ناکۆکییەکان

ئەگەر هەنگاوی پێشوو نەبووە هۆی چارەسەرکردنی ناکۆکییەکان، یەکێک لەم ڕێگانەی خوارەوە تاقی بکەوە. هەڵبژاردنی یەکێ لەمانە بە پێی ناوەڕۆکی ناکۆکییەکە و ئاستی بەشداربووانە.

کێشە هەستیارەکان