ویکیپیدیا:فێرکاری (پەڕەکانی لێدوان)

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
دەستپێک   دەستکاریکردن   شێوەزار   بەستەرەکان لە ویکیپیدیا   ناردنەوەی سەرچاوەکان   پەڕەکانی لێدوان   لەیادت بێ   ناونووس کردن   کۆتایی    

ھەبوونی پەڕەی لێدوان بۆ ھەر وتارێک، یەکێکە لە تایبەتمەندییە ھەرەگرینگەکانی ویکیپیدیا، کە ڕێگە دەدات بۆ باس و لێدوان لەسەر بابەتی وتارەکان بۆ باشترکردنیان. پەڕەکانی لێدوان نابێ بەھیچ شێوە وەک ژووری چات، جێگەی گاڵتە و شۆخی یان پێکدادان بەکاربھێندرێن.

ئەگەر پرسیار، پێشنیار یا ڕوانگەیەکت ھەیە، پەیوەندیدار لەگەڵ وتارێکدا و بۆ پێشکەوتنی وتارەکە بەسوودی دەزانی، نەک لە وتارەکەدا، بەڵکوو لە پەڕەی لێداونی وتارەکەدا بینووسە. بۆ ئەو کارە تەنھا دەبێ کرتە بکەیتە سەر «لێدوان» لە سەرووی وتارەکەوە و ڕوانگەکەت بنووسیت. ئەگەر ڕەنگی بەستەرەکە سوورە، نیگەران مەبە، ئەوە بەو مانایە کەس ھیچی نەنووسیەوە تا ئێستا؛ تۆ یەکەم کەس ببە.

ھەرکات بۆچوون دەنووسیت (لەھەموو شوێنێک) دەبێ زیادی بکەیتە دامێنی دەقەکانی پێشوو؛ مەگەر ئەوەی وەڵامی کەسێک بدەیتەوە، کە لەو کاتەدا دەبێ وەڵامەکە لەژێر پرسیارەکەدا بێت و بە دانانی « : » لە دەستپێکی نووسراوەکەی خۆت، دەتوانی باشتری بکەی بۆ بەرچاوکەوتن.

ھەمووجارە دەبێ واژۆ بدەی بە نووسراوەکانت لە پەڕەی لێدوان، بە ~~~ بۆ تەنھا ناوی بەکارھێنەریی، ~~~~ بۆ ناوی بەکارھێنەریی و کات و ڕێکەوت(نموونەکەی لە خوارەوە نووسراوە). بەو شێوە کاتێک پەڕەکە پاشەکەوت بکەیت، لە جێگای ئەو ھێما، واژۆی تۆ دادەنرێت. ئەگەر وا نەکەیت، بۆچوونەکانت بێ ناوی نووسەر دادەنرێن. زۆربەی ئێمە واژۆ دەدەین بە نووسراوەکان، لەبەر ئەوەی ئەو کارە بەدواچوونی باسەکان ئاسانتر دەکات. بۆ ساکاربوونی واژۆدان، لە سەرووی چوارچێوەی دەستکاری دوگمەی تایبەت ھەیە کە بە کرتەکردنی، بە شێوەی خۆکار «--~~~~» زیاددەبێتە سەر دەقەکە.

ئەگەر ھەژمارەت نەبێ، یان ھەتبێ و نەچووبێتیە ژوورەوە، لەکاتی واژۆدان، ناونیشانی ئای-پی دەرەکی کۆمپیۆتەرەکەت دەنووسرێت. دەتوانی بە درووستکردنی ھەژمارە ناوی بەکارھێنەری خۆت وەربگریت (١٠٠% خۆڕاییە).

پەڕەی لێدوانی بەکارھێنەران

ھەموو بەکارھێنەرێکی ناونووسکراوی ویکیپیدیا، پەڕەیەکی لێدوانی ھەیە کە بەکارھێنەرانی دیەکە، تەنانەت ئەوانی ھەژمارەیان نییە، دەتوانی پەیامی بۆ دەبنەن. ئەگەر کەسێک لە پەڕەی لێدوانی تۆدا شتێک بنووسێت، ئاگادارییەک دەبینیت کە پێت دەڵێ: «پەیامی نوێت ھەیە»، لەگەڵ بەستەرێک بۆ پەڕەی ڵێدوانت.

ئەگەر کەسێک شتێکی بۆ نووسیت، بە دوو شێوە دەتوانی وەڵامی بدەیتەوە.

  • سەردانی پەڕەی لێدوانی ئەو کەسی پەیامی بۆ داناوی بکەی و لەوێدا وەڵامی بدەیتەوە.
    • چاکی: ھەرکات پەیامکەت نووسی، ئەو ئاگادار دەبێتەوە.
    • خراپی: باسەکە لەیەک دەپچڕێت و ھەر بەشێکی دەکەوێتە شوێنێک.
  • ھەر لە پەڕەی لیدوانی خۆت، لەژێر بۆچوونەکەی ئەودا وەڵامی خۆت بنووسیت.
    • چاکی: باسەکە لە شوێنێکدا دەکرێ و بە ئەنجام دەگەیەت
    • خراپی: لەوانەیە ئەوی پەیامی دانابوو، دوای ماوەیەک وەلامەکەت ببینێت.

بەکارھێنەران ھەردوو شێوە بەکاردەھێنن، بەڵام باشتر وایە ھەرجارە بە پێی بابەت، یەکێک لەمانە بەکاربێنیت.

بەرچاوخستن (دیاریکردن)

بە بەرچاوخستنی دەق خوێندنەوە و لێتێگەیشتنی لێدوانەکان ساکار دەبێتەوە. باشترین شیوە بۆ بەرچاوخستنی دەق، بردنە ناویەتی بەقد خشتێک، لە چاو ھێڵی سەر خۆیەوە.

لێرەدا چەن شێوەی بەرچاو خستن فێردەبین:

بەرچاوخستنی ساکار

ساکارترین ڕێگە بۆ بەرچاوخستنی دەق، نووسینی جووت-خاڵ « : » لە دەستپێکی ھێلەکەدایە. ئەگەر جووت-خاڵێک دابنەی دەقەکە بازێک دەدا و ھەرچەندە زیاتر دابنەی دەقەکە بەپێی ئەوە بۆ ناوۆ باز دەدات. لێدانی دوگمەی (Enter) لە کۆتایی ھەر ھێڵێکدا، کۆتایی دێنە بۆ شێوەزارە.

بۆ نموونە:

ئەم دەقە ھەر وەک خۆی دەبینیت.
:ئەم دەقێ یەک بازی داوە بۆ ناوەوە.
::ئەم دەقە دوو بازی داوە بۆ ناوەوە.

کە ئاوا دەیبینی:

ئەم دەقە ھەر وەک خۆی دەبینیت.
ئەم دەقێ یەک بازی داوە بۆ ناوەوە.
ئەم دەقە دوو بازی داوە بۆ ناوەوە.

نیشانەی خاڵ

دەتوانی لە خاڵ (ئەستێرە) ھەروەک جووت-خاڵ کەڵک وەر گریت بۆ بەرچاوخستن. ئەم شێوە زیاتر لە لیستەکاندا بەکاردێت و بە دانانی (*) درووست دەبێت. ھەروەک جووت-خاڵ، ئەستێرەیەک بازێک و ئەستێرەی زیاتر، دەقەکە زیاتر باز دەدات بۆ ناوەوە.

نموونەیەک:
*بابەتی یەکەمی لیست
*بابەتی دووھەمی لیست
**ژێر بابەتی بابەتی دووھەم
*بابەتی سێھەم
کە ئاوا دەبینرێت:

  • بابەتی یەکەمی لیست
  • بابەتی دووھەمی لیست
    • ژێر بابەتی بابەتی دووھەم
  • بابەتی سێھەم

بەرچاوخستن بە ژمارە

دەتوانی بۆ بەرچاوخستنی بەتایبەت لیستێک لە چەند بابەت لە ژمارەکان سوود وەربگریت، بە دانانی ھێمای ( # ). ئەم جۆرە تەنھا دەبێ لە شوێنی خۆیدا بەکاربێت.

نموونە:
#بابەتی یەکەم
#بابەتی دووھەم
##ژێربابەتی بابەتی دووھەم
#بابەتی سێھەم
کە ئاوا دەبینرێت:

  1. بابەتی یەکەم
  2. بابەتی دووھەم
    1. ژێربابەتی بابەتی دووھەم
  3. بابەتی سێھەم

نموونەی لێدوانێک

ئەمە نموونەیەکە لە لێدوانێک بە شێوەزاری پەسەندکراوەوە:
کات باش. من ڕوانگەیەکم ھەیە سەبارەت بەم وتارە. بە بڕوای من پلەی گەرما لە کاتی ھاویندا لەوەی کە نووسراوە زیاترە.-کامەران ١٩:١٤, ٥ تشرینی یەکەم ٢٠٠٨ (UTC)

لەوانەیە، بەڵام دوایین جار کە لە کوردستان بووم، پلەی گەرما ھەر ئەوەندە دەبوو.دیاکۆ ٢١:١٤ , ٥ تشرینی یەکەم ٢٠٠٨ (UTC)
پێموایە دەبێ سەرچاوەیەک بۆ ئەو وتەیە بنووسیت.ئاراس ١٠:٠٤, ٦ تشرینی یەکەم ٢٠٠٨ (UTC)
بە چاوان. ئەم گۆڤارانەی سەبارەت بە کەش و ھەوا لەگەڵ وتەی مندا ھاوڕان:
  • کەش و ھەوای کوردستان
  • ھاوینی کوردستان

دیاکۆ ٢٣:٢٤, ٧ تشرینی یەکەم ٢٠٠٨ (UTC)

لە یادی مەکە ئەگەر بۆچوونەکەت لیستی تێدایە یا لەبەر ھەر ھۆیەک ھێڵێک دەبەزێنی، بۆ ھێڵی نوێ، پێویستە بە دانانی (:) وەک یەکەم ھێل باز بدەیتە ناوە:
:::بە چاوان. ئەم گۆڤارانەی سەبارەت بە کەش و ھەوا لەگەڵ وتەی مندا ھاوڕان:
:::*''کەش و ھەوای کوردستان''
:::*''ھاوینی کوردستان''

ھەروەھا لە یادت بێت کە ھەمیشە لە پەڕەی لێدوان، بۆچوونەکانت واژۆ بدەی:

  • بنووسە ~~~ بۆ ناوەکەت: دیاکۆ
  • بنووسە ~~~~ بۆ ناو و کات و ڕیکەوت: دیاکۆ ١١:٢٣, ٩ تشرینی یەکەم ٢٠٠٨ (UTC)
  • بنووسە ~~~~~ بۆ تەنھا ڕێکەوت: ١١:٢٣, ٩ تشرینی یەکەم ٢٠٠٨ (UTC)

بۆچوونەکان ھەمیشە دەبێ بە ناو و ڕێکەوت و دەنگدانەکان تەنھا بە ناو واژۆ بدرێن.


درێژەی فێرکاری بە: لەیادت بێ