ویکیپیدیا:دیوەخان (پێشنیارەکان)

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
  سیاسەت   تەکنیکی   پێشنیارەکان   جۆراوجۆر  
ناوبڕەکان:
وپ:دخپ
وپ:دخ/پ
پێشنیار و بیرۆکە نوێکان لێرەدا وتووێژیان لەسەر دەکرێ. بەر لە دانانی پێشنیار:
« وتوووێژە کۆنترەکان، ١


ئاسانکاری[دەستکاری]

ئێستا کە چەند ساڵێک لە دامەزرانی ویکیپیدیای کوردی تێپەڕ بووە با پیاچوونەوەیەک بە کارەکانماندا بکەین. بە بیروڕای من زیاتر لە پێویست ھەوڵمان داوە لاسایی ویکیپیدیاکانی تر بکەین و زۆر کارەکانمان لە خۆمان قورس کردووەتەوە. زیاتر لە گشتی «دەروازەکان» و «ڕێنوێنییەکان». بۆ نموونە دەروازەکان بە شێوازێکی زۆر ئاڵۆزن کە لەوانەیە شارەزاکانیش باش سەری لێدەرنەکەن. بۆ نموونە دەروازە:جوگرافیا‏م داناوە کە ھەر وەک وتارێکی سادەیە. ئەگەر ئێوەش پێتان باشە با ھەوڵێکی گشتی بدەین بۆ ساکار کردنی سەرانسەری ویکیپیدیا. زۆر سپاس --ئاسۆ (لێدوان) ‏١٤:١٦، ١٦ی تشرینی یەکەمی ٢٠١٤ (UTC)

هاوڕام - شتەکان لێرە زۆر ئاڵۆزن - بەکارهێنەری کورد تەنانەت لە ڕووکاری ویکیپیدیاش ناگات (هەیە لاکێشەی گەڕان نابینێت) چ جای لەگەڵمان بێت ، هیچ شتێک لێرە نییە کە خۆمان درووستمان کردبێت واتە لەویکییەکانی دی نەبووبێت ، پێویستە هەندێ پڕۆژەش بە کوردی کرێن وەک ویکی وتە هتد کە لەبەرژەوەندی ویکیپیدیان و باشترن لە چەند وتارێک - دیاریکردنی وتاری گرنگ و پاراستنیان لێرە نییە بەتایبەت دۆسییە کوردییەکان کەدەبوایە ئێرە ببایە سەرچاوەیەک بۆ تاکی کورد > Kushared (لێدوان) ‏١٥:٢٣، ١٦ی تشرینی یەکەمی ٢٠١٤ (UTC)
من ئامادەی ھەر چەشنە ھاوکارییەکم. ئەم دەروازانەشم ھیندە پێ گرنگ نییە و بوون و نەبوونیشی زۆر فەرق ناکا. زۆر کاری گرنگی تر ھەیە کە دەبێ بکرێت.--چالاک وتووێژ ‏١٦:٠٣، ١٦ی تشرینی یەکەمی ٢٠١٤ (UTC)
کاک چالاک بە داخەوە ئێمە لە گرێدانی وتارەکاندا دواکەوتوین. بە داڕێژەکان و بە دەروازەکان و پۆلەکان وتارەکان دەبێ ببەستینەوە بە یەکەوە. ھەروەھا ژمارەی وتارەکانمان زۆر کردووە بەڵام زۆربەیان کۆلکەن. بە دەروازەکان دەتوانین شارەزاکانی بابەتەکان ئاگادار بکەینەوە کام وتارانە کاریان دەوێت. ھەر ئەو شتەی کە کاک Kushared ئاماژە پێ داوە بۆ دیاریکردنی وتاری گرنگ. --ئاسۆ (لێدوان) ‏١٦:٤٧، ١٦ی تشرینی یەکەمی ٢٠١٤ (UTC)

باشترکردنی ڕووکار و پەڕەی دەستپێک[دەستکاری]

لە نیسانی ٢٠١١ باسی گۆڕانکاری لە پەڕەی دەستپێکمان کرد و لە شوباتی ٢٠١٢ پەڕەی دەستپێکمان بە لەبەرچاو گرتنی شێوازی ویکیپیدیای فەڕەنسی نوێ کردەوە. بەڵام ماوەیەکە بیر لە گۆڕانکاریی تریش دەکەمەوە. چەند خاڵێک ھەیە:

  • کێ زیاتر سەردانی پەڕەی دەستپێک ئەکات؟ نووسەران و شارەزایانی ویکی یان خوێنەرانی ئاسایی؟ بەشەکانی دەستپێک دەبێ چی بن؟
  • زەمانە وای لێ ھاتووە خەڵک کاتی خوێندنەوەی باسی دوور و درێژیان نەماوە دەبێ بەکارھێنانی وێنەی گەورە کە مەبەستەکە بگەیەنێت و کورتکردنەوەی شرۆڤەکان لەبەرچاو بگرین.
  • دەبێ زیاتر ئامارەکان و گۆڕانکارییە نوێکان بخەینە بەر چاو تا نیشان بدەین چالاکین.
  • ستایڵی زۆربەی سایتەکان لەم چەند ساڵەی ڕابردوودا بە ھۆی داھاتنی ئامرازە نوێکان وەک CSS3 و HTML5 و... و یەکسەر گۆڕراوە بەڵام ویکیپیدیا ھەر لە سایتەکانی ١٠ ساڵ لەمەو بەر ئەچێت.
  • ئامرازە ئەلکترۆنییە نوێکان وەک مۆبایلەکان و تەبلێتەکان کە شاشەیەکی بچووکیان ھەیە و ھەروەھا داھاتنی مانیتۆر و تەلەفزیۆنە نوێکان کە شاشەیەکی زۆر گەورەیان (full HD, 4K) ھەیە گۆڕانکاریی ستایڵی سایتەکانیانی پێویست کردووە.

بۆ نموونە دەستپێکی Encyclopedia of Life چەند شتی باشی تێدایە پێم خۆشە ئێمەش لەبەرچاوی گرین وەک ئەوەی کە ١) بە وێنە وتارە نوێکان دەناسێنێت، ٢) دوایین بەشدارییەکانی وەک بەشێکی سەرەکیی دەستپێک داناوە، ٣) ئامارەکانی زۆر سادە و جوان نیشان داوە. ٤) لینکی بۆ بەشە سەرەکییەکانی داناوە.

زۆر پێم خۆشە ئێوەش بیروڕاکانی خۆتان بڵێن با دەستکارییەکی بنەڕەتی لە ویکیپیدیای کوردیدا بدەین کە ببێت بە نموونە بۆ زمانەکانی تریش. سپاس --ئاسۆ (لێدوان) ‏١٢:٥٦، ١٦ی تشرینی یەکەمی ٢٠١٤ (UTC)

دەستت خۆش بێ قسەکانت زۆر ڕاستن. کاکە ھەر ویکی کوردی نییە تەواوی پرۆژەکانی ویکیمیدیا دواکەوتوون. ھەر سەرەتا نەرمامێری میدیاویکیان دانابوو بۆ پرۆژەیەکی بچووک و خۆیان نەیان دەزانی ڕۆژێک ئاوا گەورە دەبێتەوە. ئەوە ماوەیەکە خەریکن بۆ نموونە ئاگادارییان (notification) دانا و خەریکی پەرەپێدانی دەستکاریکەری دیدارین (visual editor). یان بۆ لێدوان کە بەرنامەی flowیان ھەیە بەڵام لە ھیچیاندا زۆر سەرکەوتوو نەبوون.
پەڕەی دەستپێک زیاتر خوێنەرانی ئاسایی تەماشای دەکەن ھەتا بەکارھێنەرانی ویکی. لەگەڵ گۆڕانکاریم و ئەمەی مام برایمم زۆر پێ نۆژەن و جوانە و دەتوانین زیاتریشی لەسەر کار بکەین. --چالاک وتووێژ ‏٢١:٤٥، ١٧ی تشرینی یەکەمی ٢٠١٤ (UTC)
بۆ پرسی یەکەم، نووسەرانی کورد بەھیچ شێوەیەک سوود لە سەرچاوەی کوردی نابینن لە ئینتەرنێت (ھۆکاری خۆی ھەیە کە سەرچاوەکی تاڕەدەیەک کامڵ نییە وە خۆم زانیاریم ھەبێ ھەندێکیان سوود لە ویکی ئینگلیزی دەبینن یان ئەو ویکییەی کە زمانەکەی دەزانن جگە لە کوردی) وە یان پێیان عەیبە و ئەوان وەک بەشێک لە نووسەرانی جیھانی لەگەڵ بەئەلیکترۆنیبوون نین و شارەزایی باشیشیان نییە لە بەکارھێنانی ئینتەرنێت بێگوومان ئەوە لە باشوور نازانم لە ڕؤژھەڵات، بۆیە بەڕای من بەکارھێنەری سەرەتایی یان تازە میوانێک پەڕەی دەستپێک دەکاتەوە یەک بەخۆم نزیکی ٣ ساڵە لێرەم زۆر بەی کات یەکڕاست پەڕەی دوایین گۆڕانکارییەکان دەکەوە، ڕەنگبێ لە لە ٢٠ جار جارێک سەرێک لەپەڕەی دەستپێک بدەم بۆیە گرنگە پەڕەی دەسپێک چۆن بێت چونکە زۆری بەکارھێنەری ئاسایی دەیکەنەوە، ئێمە دەکرێ ھەندێ شتی سادەمان پێ بکرێت نەک گەورە چونکە ویکیمیدیا زۆری دەوێت تا قەناعەت دێنێت کە ستایلەکەی بۆ ھەندێ زمان و ناوچە گونجاو نییە و ستایلەکە وردە، ئەو نموونە EOL م بەدڵە چونکە شتەکان ڕوونە بەتایبەت لە بانەر و لاکێشەی گەڕان کە دووشتی سەرەکی و گرنگن کە بەکارھێنەری ماڵپەڕەکە یەکسەر بیکاتەوە بۆ یەکجاریش بێت تێبینی بانەر و لاکێشەی گەڕان دەکا بەڵام ویکی نە بانەر و نە لاکێشەی گەڕانی چاکە، سەبارەت بۆ مۆبایلیش ئەوە ویکیپێدیا بۆخۆی کارێکی چاکی کردووە بە سازکردنی ئەپڵیکەیشنی ویکی و ویکیمیدیا کۆمۆنز بۆ iOS و ئەندرۆید بەڵام ھێشتا ئەوەی ویکی ھەندێ کێشەی ھەیە چونکە لە ئاپەکان بەکارھێنەر ناتوانێت دەستی بگات بە زۆر پەڕە، حاڵی حازر ئێمە ڕەنگبێ نەتوانین زۆر گۆڕانکاری بەدڵی خۆمان بکرێت بەڵام دەکرێ بە سادەترین شت پەیامی ویکی سۆرانی بگەیەنین، ئێستا دۆستان کەمێکیش بێت دەروازەکانیان باشتر کردووە من پێشنیاز دەکەم گەر بکرێت فۆنتی دەروازەکان و وێنەکانیشیان کە لەپەڕەی دەستپێک لە سەرەوە ئاماژەدراون (ماتماتیک، تەکنۆلۆژیا، جوگرافیا ھتد...) گەورەتر کرێن چونکە گە ربەکارھێنەرێک بە گەورەیی بیبینێت ئەوە ئەگەری زۆرتری ھەیە کرتەیەکی لەسەر بکات لەوەی بەم شێوەیە بچووک بێت لەگەڵ نووسینەکانی دی تێکەڵبێت و نەیبینێت وە گەر کرتەشی کرد بەکارھێنەرەکە تۆزێکیش بێت لە ئامانجی ویکی دەگات و دەزانێت ئەمە ئینسکلۆپێدیایە، وەسەلام > Kushared (لێدوان) ‏٠٣:١٤، ١٨ی تشرینی یەکەمی ٢٠١٤ (UTC)
من پێم وایە سێ جۆری خەڵک دێنە ویکیپیدیا. ١) خوێنەران کە کە ھیچ حەز لە بەشداری ناکەن ٢) ئەوانەی حەز ئەکەن وردەوردە بەشداری بکەن ٣) ئەوانەی کۆمەڵگای ویکیپیدیان و زۆر چالاکن. من پەڕەیەکم وەک پێشنووس بۆ دەستپێک درووست کرد و تێکۆشاوم ئەو سێ دەستە لەبەرچاو گرم. پێنج ڕیزم داناوە: ڕیزی یەک و دوو بۆ خوێنەران. ڕیزی سێیەم بۆ ھەواڵ و مێژوو کە ھەموو ڕۆژێ لینکی نوێیان ھەیە و ھان ئەدەن بۆ خوێندن و بەشداری. ڕیزی چوارەم بۆ دەستەی دوو و سێیە. و لە ڕیزی پێنجم ٣ بەشم داناوە بۆ ئەوەی نیشانی بدەین کە ویکیپیدیا چالاکە: ١)ئامارەکانی ویکیپیدیا ٢)وتارە نوێکان ٣)دوایین دەستکارییەکان. بیروڕای ئێوە چۆنە سەبارەت بەم بەشانە؟ سەبارەت بە ستایڵ و ڕەنگ و ئەوانە چی ئەڵێن؟ سپاس--ئاسۆ (لێدوان) ‏١٥:٤٣، ١٩ی تشرینی یەکەمی ٢٠١٤ (UTC)

کاکە بەڕاسی ستایلێکی جوانت داناوە، یەخوا ئەو دەستانەت خۆش بێت. من پێم وایە ئەگەر شوێنێکیش دیاری بکرێت کە ھەموو ڕۆژێک وێنەی ھەڵبژێردراو بە شێوەی ئۆتۆماتیک لە کۆمۆنزەوە پیشان بدات جوانتر ئەبێت. مادیوتووێژ (٢٧ی ڕەزبەری ٢٧١٤) ‏١٥:٥٦، ١٩ی تشرینی یەکەمی ٢٠١٤ (UTC)

کاکە بە بڕوای من باشە بەڵام ئیتر زۆر شپڕێوە.

  • سەرپەڕەی جاران زۆ جوانتر بوو.
  • لە دوای لە ھەواڵەکاندا و ئەمڕۆ لە مێژوودا وێنەی ھەڵبژێردراو دابنێ و سڕێنەوەی ئەم بەشە باش نییە. پێشنیاری کاک مادیم لەگەڵ کاک برایم باس کرد. ئەوەتا دروستی کرد دەستی خۆش بێ: [١]
  • بەشداری لە ویکیپیدیا و کۆمەڵگا بکە دوو ستون و لە ژێرەوەی پرۆژە خوشکەکان بەشێوەی ئاسۆیی وەکی ئێستا کە لە دەستپێک ھەیە دابنێ. (دوایین دەستکارییەکانیش ھەڵەی تێدایە من لە کۆماسیدا دەستکاریم نەبووە)
  • ھەر بەم جۆرە وتارە نوێکان و دوایین دەستکارییەکان بکە دوو ستون و ئامارەکانی ویکیپیدیا بەرە ژێرەوە.
  • بۆشایی نێۆان خشتەکە (20px) زۆرە.

سپاس. --چالاک وتووێژ ‏٢٠:٤٨، ١٩ی تشرینی یەکەمی ٢٠١٤ (UTC)

ئەمە بەکارھێنەر:ئاسۆ/Destpêk3 پێشنیاری منە دەکرێ باشتر بکرێ. سپاس. --چالاک وتووێژ ‏٢١:٤٧، ١٩ی تشرینی یەکەمی ٢٠١٤ (UTC)
کاک چالاک گواستنەوەی دەقی وتووێژەکان ھەرچەندە لە شوێنی خۆیاندا نەبن کارێکی ھەڵەیە! ئێستا وا دەردەکەوێت کە جەنابت قسەکانت کردووە و بە ناوی ئێمەوە ئیمزات کردووە. بە بیروڕای من ئەمە زیاتر باسێکی تەکنیکیە و پەڕەی دەستپێک نموونەیەکە لەو شوێنانە دەتوانین باشتریان بکەین. چەن خاڵ لەسەر دەستپێک: ١) وێنەی ھەڵبژێرراو بۆ جوانی نییە بەڵکوو ھاندەرێکە بۆ وتارەکانی تر کە واتە وێنەی خۆگەڕ ئەو کەڵکەی نیە بۆمان. ٢) لینکی پرۆژە خوشکەکان کە ھیچیان بە سۆرانی نین بۆ دەبێ ئەوەنە گەورە بن لە دەسپێکا؟ ٣) بەشی سەرپەڕەکەش فەرقی ئەوەیە کە لۆگۆی تێدا نییە. ویستم لۆگۆ لە بەشی ناساندنی ویکیپیدیا دابنێم. وتم با ئەوەنە دووپات نەبێتەوە. ٤)کێشەی دواین گۆڕانکارییەکانم دۆزیوەتەوە. بەم زووانە چاکی ئەکەمەوە. --ئاسۆ (لێدوان) ‏٠٦:٥٩، ٢٠ی تشرینی یەکەمی ٢٠١٤ (UTC)
ھەڵە نییە زۆریش گونجاوە. ئەمە شتێکی باوە (en:WP:Text move بخوێنەوە) و تەنیا بۆ ئەوەی کێشەکەی وتت ساز نەبێت پێویستە لە کورتەی دەستکاریدا بنووسی دەقەکەت لە کوێوە و بۆ کوێ گواستووەتەوە کە منیش ھەر وام کردووە [٢] و [٣]. بەشی تەکنیکی بۆ باسکردنی کێشەی داڕێژەیەک، ئامرازێک یان مۆدیوولێک و پەرەپێدانی ئەمانە دانراوە. ئەمەی جنابت تەنیا پێشنیارێک بوو بۆ ئاڵوگۆڕێک لە پەڕەی دەستپێکدا.
کوا خۆ کەس نەیوتووە وێنەی ھەڵبژێردراو بۆ جوانییە. ئەمە بەشێکی سەرەکی پەڕەی دەستپێکە و ناکرێ ئاوا ھاسان و سووک بڕیاری لەسەر بدەی و بیسڕینەوە. وێنەی خۆگەڕ کاتی بەکارھێنەران ناگرێ و ئەگەر لەگەڵی نی ئەوە خۆمان وەک جاران دایدەنێین. بۆ ئەوانی تریش ھیچ با کورتی بکەمەوە وا باشترە ئیتر بیروڕای خۆمان نەنووسین. زۆر سپاس.--چالاک وتووێژ ‏٢١:٣٨، ٢٠ی تشرینی یەکەمی ٢٠١٤ (UTC)
ماوەیەک سەرقاڵ بووم و ئەم بابەتەم لە بیرکردبوو. وێنەی ھەڵبژێرراویشم پێ زیاد کرد. ھیوادارام ئێستا بە دڵتان بێت: بەکارھێنەر:ئاسۆ/Destpêk. ئیتر با ماوەیەک ئەمە بێت بزانین بەشداربووان چی ئەڵێن. (@چالاک: ئەو Text move ە سیاسەتی ڕەسمیی ویکییدیا نییە و بە بیروڕای من گونجاویش نییە.)--ئاسۆ (لێدوان) ‏١٦:٠٣، ١١ی تشرینی دووەمی ٢٠١٤ (UTC)
وەڵڵا کاک ئاسۆ گیان بە بڕوای من ھێشتا کاری دەبێ لەسەر بکرێ. بۆ نموونە ئەگەر باسی کاروباری جوانکاریش نەکەین لە بەشی وتارە نوێکاندا نووسراوە «بەکارھێنەر:Bakykurdish (دانەر: Bakykurdish)» کە دروست نییە. پێشنیاری تریشم ھەیە وردەوردە بچینە پێش.--چالاک وتووێژ ‏٢٠:٥٧، ١٥ی تشرینی دووەمی ٢٠١٤ (UTC)