نەخشە

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
نەخشەی ڕامیاری و فیزیایی جیهان

نەخشە (بە ئینگلیزی: Map) پێناسەی جۆراوجۆری ھەیە ، بە پێی کات گۆڕانکاری بەسەردا ھاتووە ، بەم شێوەیە نەخشە : بریتیە لە نواندنی دیاردە جوگرافیەکانی ناوجەیەک یاخود بەشێکی گۆی زەوی ، لە ڕێگەی ھێمای تایبەتەوە لەسەر پارچەیەکی ڕوو تەخت ، ئاماژەش بەو گۆڕانکاریانە دەکات لە بەسەر دیاردەکان دادێت ، لە ڕووی ھۆکارە کاریگەرەکان و دابەش بوونی دیاردەکان و شی کردنەوەیان و پەیوەندی نێوانیان.

پێوەری نەخشە و جۆرەکانی[دەستکاری]

پێوەر بە یەکێک لە گرنگترین ڕەگەزە بنەرەتییەکانی نەخشە دەژمێردرێت و ، ئەگەر ھەر نەخشەیەک پێوەری نەبێت ناتوانرێت کردارەکانی پێوانەکردنی لەسەر ئەنجام بدرێت وەک (درێژی ، ڕووبەر ، لێژی و...ھتد) و کرداری پێوانەکردن بە دوو جۆر سیستەم ئەنجام دەدرێت :

  1. سیستەمی فەڕەنسی : یەکەکانی پێوانە کردنی (مللیمەتر ، سانتیمەتر و مەتر و کیلۆمەتر..ھتد)
  2. سیستەمی بەریتانی : یەکەکانی پێوانەکردنی (ئینج (بۆسە) ، پێ ، یاردە و میل ..ھتد)


پێوەر پێناسەی جۆراوجۆری ھەیە ، بەڵام سادەترین پێناسەی پێوەر بەم شێوەیە : بریتیە لە ڕێژەی دووری نێوان دوو دیاردەی جوگرافی لەسەر نەخشە ، بۆ دووری نێوان ھەمان دوو دیاردەکە لەسەر زەوی.


کلیلی نەخشە[دەستکاری]

ڕەگەزێکی بنەڕەتی نەخشەیە لە ڕووی کارتۆگرافیەوە لە بەشی خوارەوەی لای چەپی نەخشە دادەنرێت. سوود و تایبەتمەندی زۆری ھەیە چونکە لە ڕێگەی کلیلی نەخشەوە دەتوانرێت ناوەرۆکی نەخشەکە بخوێنرێتەوە. لە ھەمان کاتدا دەکرێت جۆری نەخشە دەستنیشان بکرێت لە ڕێگەی ئەو ھێمایانەی لە کلیلەکەدا بەکارھاتووە بۆ نواندنی دیاردە جوگرافیەکان.

ئاڕاستەکان[دەستکاری]

قیبلەنمایەکی گیرفانی

ئەگەر بڕوانینە دەرزیلەی قیبلەنمایەک دەبینین ڕوو ناکاتە باکووری ڕاستەقینە بەڵکو ڕوو دەکاتە باکووری موگناتیسی ، ئەمەش بەندە بە کاریگەری ھێزی لادانی زەوی (بواری موگناتیسی زەوی) و ، بەو جیاوازیەی لە نێوان ئەم دوو ئاڕاستەیە درووست دەبێت دەوترێت (گۆشەی گۆڕان) کە بڕەکەی (٢٣.٣٠)یە. بەڵام ئاڕاستەکان بە پێی ئاڕاستەی باکووری ڕاستەقینە دابەش کراون ، بۆ ئاڕاستەکانی بنەڕەتی و لاوەکی.

-بنەرەتیەکان ئەمانەن :

  • باکوور
  • باشوور
  • ڕۆژھەڵات
  • ڕۆژئاوا


سەرچاوە[دەستکاری]

  • کتێبی : ئەتڵەسی (ھەرێمی کوردستانی عێراق - عێراق و جیھان) ئامادەکردن و دانانی : (د.ھاشم یاسین حداد و سەردار محمد عبدالرحمن)
  • ویکیپیدیای ئینگلیزی