لێدوانی بەکارھێنەر:Rekawt ibrahim
ئاشتی سه‌وز[دەستکاری]
Greenpace رێكخراوی ئاشتی سه‌وز، رێكخراوێكی سه‌رتاسه‌ری جیهانیه، كار بۆ پاراستنی ژینگه ده‌كات، ساڵی ١٩٧١ له وڵاتی كه‌نه‌دا هاته دامه‌زراندن و له ٤١ وڵاتای دنیادا نوسینگه‌ی هه‌یه و نوسینگه‌ی سه‌ره‌كیشی له ئه‌مسته‌ردامی هۆله‌ندایه، هۆكاری سه‌ره‌كی دامه‌زراندنی ئه‌م رێكخراوه ئه‌و تاقیكردنه‌وه ئه‌تۆمیه‌بوو كه ئه‌مه‌ریكا به نیازبوو له كه‌ناره‌كانی ئالاسكا ئه‌نجامی بدات، بۆ ئه‌م مه‌به‌سته پاش دامه‌زرادنی رێكخراوه‌كه هه‌موو ئه‌ندامه‌كانیان به گروپی بچوك بچوك و به‌به‌له‌م له ناوچه‌ی مه‌به‌ست كۆبوونه‌وه ، ئه‌م ریكخراوه له ریگای كاره باش و كاریتاسه‌كانیه‌وه به تایبه‌ت بۆ پاراستنی حوت و سه‌گی ده‌ریا ناوبانگ و سومعه‌ی زۆر باشی بۆ خۆی په‌یدا كردووه و له لایه‌ن سیاسیه‌كان و میدیاكانیشه‌وه زۆرترین بایه‌خ به چالاكیه‌كانی ده‌درێت، هه‌موو چالاكیه‌كانی ئه‌م رێكخراوه ئاشتی ئامێزو دوور له توندوتیژیه، له‌مانگی گه‌لاوێژی ١٩٨٥ دا كاتێك ئه‌ندامانی ئه‌م گروپه به كه‌شتیه‌كی مه‌زنی خۆیان به ته‌مابوون له نزیك نیوزه‌یلانده‌وه ریگا له ئه‌نجامدانی تاقكردنه‌وه‌یه‌كی ئه‌تۆمی فه‌ره‌نسی بگرن، له لایه‌ن هێزه‌كانی فه‌ره‌نساوه ده‌ستدرێژی كرایه سه‌ر كه‌شتیه‌كه‌یان و به هۆی گوله بارانه‌وه نغرۆی ئاو بوو ، له ئاكامدا ئه‌ندامێكی گروپه‌كه كوژرا، ئه‌م سكانداڵه فه‌ره‌نسای هه‌ژاندو بووه هۆی ئه‌وه‌ی وه‌زیری به‌رگری ده‌ستكێشانه‌وه راگه‌یه‌نێت و وڵاتی فه‌ره‌نساش لێپرسراوی خۆی به‌رامبه‌ر به‌و هیرشه راگه‌یه‌نێت...