سەد ساڵ لە تەنیایی

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
سەد ساڵ لە تەنیایی

سەد ساڵ لە تەنیایی (بە ئیسپانی: Cien años de soledad) ڕۆمانێکی نوسەر و ڕۆماننوسی ناوداریی کۆڵۆمبی گابرێل گارسیا مارکیزە. لەساڵی ١٩٦٧ دا چاپ کراوە و نزیکەی سی ملیۆن دانەی لێ فرۆشراوە. بۆ نزیکەی سی زمانی جیھانیش وەرگێڕدراوە. مارکێز ئەم رۆمانەی لە ساڵی ١٩٦٥ دا لە مەکسیک نووسیوە. دوای دوو ساڵ دەزگای (سودا ئەمریکانا بۆ چاپ و بڵاوکردنەوە) لە ئەرجەنتین بۆ یەکەمجار ھەشتا ھەزار نوسخەی لێ چاپکرد.ئەم ڕۆمانە بە گرنتگترین رۆمانەکانی ئیسپانیا و ئەمریکا دائەنرێت. یەکێکیشە لە بەناوبانگترین کارە ئەدەبییەکانی جیھان. ڕۆمانی سەد ساڵ لە تەنیایی یەکەمین ڕۆمانە کە زۆرترین جار خوێندراوەتەوە و وەرگێڕدراوە بۆ سەر زمانە جیھانیەکانی دیکە. نوسەر لەم ڕۆمانەدا ڕووداوەکانی شارۆچکەیەک ئەگێڕێتەوە لە دەمی ژیاننامەی خێزانێکەوە بە ناوی خێزانی پویندیا بە درێایی شەش نەوە کە ئەم خێزانە لە گوندێکی خەیاڵی ئەژین بەناوی ماکۆندۆ. کە زۆربەی ناوی مناڵ و نەوەکانیشیان وەک لە ڕۆمانەکەوە ھاتوە بەناوی لادێکەیانەوە ناو ئەنێن.

کەسایەتیەکانی ناو ڕۆمانەکە[دەستکاری]

  1. خۆسێ ئەرکادیۆ پۆندیا (دامەزرێنەری لادێکە).
  2. ئۆرسۆلا (خێزانی دامەزرێنەری لادێکە).
  3. عەقید ئۆرلیانۆ کوڕی ئەرکادیۆ
  4. ئەرکادیۆی کوڕ (واتە کوڕێکی دیکەیەو بەناوی باوکیەوە ناونراوەتەوە).
  5. ڕەبیکا کچی بنەماڵەکەیە کە ھەڵیانگرتوەتەوە.
  6. ملکیادیس
  7. ڤێرسپی کراسۆ (گەنجێکی ئیتالیە ھاتوە بۆ لادێکە بۆ ئەوەی فیری مۆسیقا ببێت).
  8. ئەمارانتا
  9. بیلار تینێرا.