سیمۆن بوولیڤار

سیمۆن بوولیڤار
لەدایکبوون	٢٤ ژوولای ١٧٨٣ کاراکاس، وێنۆزۆئێلا
مەرگ	١٧ دیسامبر ١٨٣٠ سانتا ماریا، کۆلۆمبیا
بیروڕای ئایینی	کاتۆلیک

سیمۆن خوریە ئەنتۆنیۆ دی لا سانتیسیما ترینیداد بۆلیفار، لە ٢٤ی تەمموزی ١٧٨٣ لەدایکبووە و تا ١٧ی کانوونی یەکەمی ١٨٣٠ ژیاوە، نەتەوەییەکی ئەمریکای باشوور و دامەزرێنەر و سەرۆکی کۆڵۆمبیای گەورە، ناونرا بە (جۆرج واسنگتنی ئەمریکای لاتینییە) ئەمەش لەبەر ئەو ڕۆڵەی هەیبوو لە ئازادکردنی زۆر لە دەوڵەتەکانی ئەمریکای لاتینی؛ کۆڵۆمبیا و فەنزەویلا و ئیکوادۆر و بۆلیڤیا و پیروو، کە لە ژێر دەسەڵاتی ئیسپانیدا بوون لە سەدەی شانزەوە.

بۆلیڤار لە گەنجیدا سەردانی ئەورووپای کردبوو و کاریگەر بوو بە ڕۆشنبیری ئەوروپا و بە شەڕەکانی ناپلیۆن لە ئیسپانیا و کاتێک ناپلیۆن حکومەتی ئیسپانیای ڕووخاند، هاندەرێک بوو بۆ بۆلیڤار کە هەمان شت بکات بەرامبەر ئیسپان لە ئەمریکای باشوور و سوێندی خوارد کە وڵاتەکەی ڕزگار بکات لە ئیستیعمار، و بۆلیڤار بوو بە ئەفسەرێک لە سوپای شۆڕشدا، و دوای زنجیرەیەک شەڕی دوور ودرێژ بۆلیڤار سەرکەوت بەسەر ئیسپاندا و ئەو دەوڵەتانە سەربەخۆییان بە دەست هێنا، و بۆلیڤار وەک ئازدکەرێک ڕێزی خەڵکی بەدەستهێنا، بەڵام لە ڕۆژانی کۆتاییدا ڕووبەڕووی ناڕەزاییەکی توند بۆیەوە کاتێک هەوڵیدا ئەمریکای باشوور لە ژێر دەسەڵاتی خۆیدا یەک بخات و ناوی بۆلیڤیا بە ناویەوە ناونراوە.

سەرچاوەکان

ویکیپیدیای ئینگلیزی، وتاری سیمۆن بوولیڤار