زەریای مردوو

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان

پۆتانەکان: 31°20′N 35°30′E / 31.333°N 35.5°E / 31.333; 35.5

وێنەیەک لە زەریای مردوو کە لە کەنارەوە گیراوە

زەریای مردوو (بە عەرەبی: البحر الميت، بە عیبری: יָם הַ‏‏מֶּ‏‏לַ‏ח)، کە ھەروەھا بە زەریای خوێ -ش ناسرواە، زەریاچەیەکە لەنێوان ئوردون و ئیسرائیلدا ھەڵکەوتووە. ڕووی ئەم زەریاچەیە و کەنارەکانی ٤٢٢ مەتر لە ئاستی زەریا نزمترن و بەم بۆنەوە وەکوو نەویترین وشکانییەکانی ڕووی زەوی دێنە ئەژمار. زەریای مردوو ٣٧٨ مەتر قووڵە و بە ٣٣،٧% سوێرییەوە سوێرترین کۆمای ئاوییە لە جیھاندا. ئاوەکەی ئەوەندە سوێرە کە ژیان تێیدا بۆ زۆربەی گیانداران ئەستەم و دەستنەداوە، ھەر بۆیە بە "مردوو" ناو نراوە. ئەڵبەت بەتەواوی مردوو نییە، جۆرە باکتریاگەلێک ھەن کە دەتوانن لەو ئاوەدا بژین. ھەروەھا سوێریی ئاوەکە وای لێ دەکا لە ئاوی تازە قورستر بێ و مرۆڤ بەئاسانی و بەبێ ھەوڵی زۆر بتوانێ بەسەر ئاوەکەدا پاڵ کەوێ. ئەم تایبەتمەندییەی ھەر ساڵە گەشتیاران لە سەرانسەری جیھانەوە بۆ سەیرانی زەریای مردوو ڕادەکێشێ.

وێنەیەک لە زەریای مردوو کە لە ئاسمانەوە گیراوە و شوێنی ھەڵکەوتنی نیشان دەدا