زەردوویی

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
وێنەی ڕوخساری کابرایێکی تووش بە ئیکتێر

زەردەیی یان ئیکتێر (ئینگلیزی: icterus یان Jaundice) نیشتەجێبوونی هێمۆگلۆبینی زیادی خوێنە لە ناو تەونەکان و ئەندامەکانی لەشدا، بە هۆی ڕەنگی زەردی هێمۆگلۆبینەوە بە حاڵەتی تووش بوون بەم نەخۆشیە، زەردەیی دەوترێت. لە ڕاستیدا ئەمە ھێمۆگلۆبین نییە کە لە تەونەکاندا دەنیشێت بەڵکوو بیلیڕووبینە کە مادەیێکی ئەنجامی مێتابۆلیسمی ھێمۆگلۆبینە. ئەم مادەیە لە جەرگدا پێک دێت و لە ڕێگەی ڕیخۆڵەکان و میزەوە لە لەش دەر دەکرێت.

زەردوویی لە منداڵانی ساوا[دەستکاری]

منداڵی ساوا (تازە لەدایکبوو) ئەنزیمگەلی پێویست بۆ لە ناو بردنی ھێمۆگلۆبینی نییە، بەم ھۆیە زەرد دەبێت، ئەم حاڵەتە ھەتا حەوتەیێک دوای لەدایکبوون لەناو دەچێت بەڵام ئەگەر زۆرتر لەم ماوە بمێنێتەوە مەترسیدارە و دەتوانێت ئەنجامی زۆر خراپی لە سەر دۆخی سڵامەتی منداڵ بێت و دەبێت ھۆی چەندین حاڵەتی نەخۆشی و تەنانەت دەتوانێت مێسکی منداڵ خراپ بکات.

هۆکار[دەستکاری]

مرۆڤ بە هۆی چەشنێک لە سەرچاوەکان تووشی ئیکتێر دەبێت ئەمانەی لە خوارەوە دێن بەشێ لەو هۆکارانەن:

  • ژمارەی ئەو گلووبوولە سوورانە کە وا لە جەرگ دا لە ناو دەچێت زۆر بووبێت.
  • جەرگ تووشی نەخۆشینی کەمکاری بووە یان شتێک بەری بە کاری نۆڕماڵی ئەو گرتووە.
  • بیلیڕووبین ناتوانێت بە جوانی لە کۆئەندامی هەرسەوە دەربچێت.

سەرچاوەکان[دەستکاری]