دۆنگی

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان

زنجیره‌ دراماى (دۆنگ یى) یاخود (داون)، زنجیره‌یه‌كى كۆرییه‌، له‌ ساڵى ٢٠١٠ پله‌ى یه‌كه‌مى وه‌رگرت به‌هۆى ئه‌وه‌ى كه‌ زۆرترین بینه‌رى هه‌بوو له‌ كاتى‌ په‌خشكردنیدا له‌ كۆریا‌. زنجیره‌ دراماى دۆنگ یى له‌لایه‌ن میدیا ئارت پرۆدەكشنه‌وه‌ ئاماده‌كراوه‌. و كۆمپانیاى خاوێ فیلم دۆبلاژى كردووه‌.، ئه‌م زنجیره‌یه‌ بریتییه‌ له‌ (٦٧) ئه‌ڵقه‌ى ٤٥ خولەکی. دۆنگ یى درامایه‌كى مێژووییه‌.. گێڕانه‌وه‌ى چیرۆكى شا (سوكجۆنگ)ى نه‌وه‌ى جوسۆنى كۆریایه‌، كه‌ عاشقى (دۆنگ یى) ده‌بێت و دۆنگ ییش یه‌كێكه‌ له‌ كاره‌كه‌ره‌ ساده‌كانى كۆشك‌ و ده‌بێته‌ جێگه‌ى سه‌رنجى شا (سوكجۆنگ)و به‌ته‌واوى هۆگرى ده‌بێت. دۆنگ یى هه‌ر له‌ سه‌ره‌تاى چوونه‌ ناو كۆشكى شاهانه‌وه،‌ له‌لایه‌ن شاژنه‌ لنهیۆنه‌وه‌ رووبه‌رووى چه‌ندین گرفت ده‌بێته‌وه ‌له‌به‌رئه‌وه‌ى دۆنگ یى سه‌ر به‌ خێزانێكى هه‌ژاره‌ رقى لێیه‌تى. هه‌روه‌ها له‌لایه‌ن كاره‌كه‌رێكى ترى كۆشكه‌وه‌ كێشه‌ى زۆرى بۆ دروستده‌كرێت چونكه‌ ئه‌وان خه‌ونیان ئه‌وه‌یه‌ له‌و شوێنه‌ كاربكه‌ن كه‌ (دۆنگ یى) هه‌ر له ‌سه‌ره‌تاى كاركردنیه‌وه‌ وه‌ریگرتووه‌.... ئه‌م زنجیره‌ درامایه‌ چیرۆكى خۆشه‌ویستییه‌كى رۆمانسى‌و وێناكردنى ژیانى كۆرییه‌كانه‌ له‌ سه‌رده‌مى شا (جوسۆن)‌و ناساندنى دابونه‌ریتى كۆرییه‌كانه‌ له‌و سه‌رده‌مه‌دا، هاوكات پیشاندانى چۆنێتى به‌ڕێوه‌بردنى ده‌وڵه‌ته‌ له‌لایه‌ن شاوه‌ له‌و سه‌رده‌مه‌ى كۆریادا.

  • سیناریۆ: كیم یى یۆنگ
  • ده‌رهێنان: لى بیونگ هۆن، كیم سانگ هیوب
  • یه‌كه‌م په‌خشى له كۆریا ‌٢٢ی ئازاری ٢٠١٠ بوو