خەتەنەکردنی یەسووع

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
خەتەنەکردنی یەسووع، لەلایەن فرێدریش هێرلینەوە کێشراوە

خەتەنەکردنی یەسووع (بەئینگلیزی: The Circumcision of Jesus)، یەکێکە لە ڕووداوەکانی ژیانی یەسووعی ناسڕی بەپێی ئینجیلی لۆقا کە لەئایەتی ٢:٢١ دا هەیە و دەڵێت یەسووع پاش هەشت ڕۆژ لەدوای لەدایکبوونی خەتەنە کراوە (بەپێی کەلتوور و تەقلیدی مەسیحییەکان ڕۆژی یەکەمی کانوونی دووەم دەکات). ئەمە یەکێکە لەیاساکانی نێو هالاخای یەهوودییەت کە خەچت لەسەر خەتەنەکردنی ڕەگەزی نێر دەکات پاش هەشت ڕۆژ لەلەدایکبوونی لەکاتی مەراسیمی پەیمانی خەتەنەکردن یان ناسراو بە بریت میلا، کە لەهەمان کاتدا ناوێکیش بۆ منداڵەکە هەڵدەبژێرن. خەتەنەکردنی یەسووع بووە یەکێک لە دیاریترین بابەتەکانی هوونەری مەسیحی لەدوای سەدەی دەیەمی زایینییەوە، کەیەکێکە لەو چەندین بابەتەی ژیانی یەسووع کە لەلایەن هوونەرمەندانەوە وێنەکراوە.

ئەم ڕووداوە یاد دەکرێتەوە لە جەژنی خەتەنەکردندا لە کڵێسای ئۆرسۆدۆکسی ڕۆژهەڵاتی لە ١ی کانوونی دووەمدا، لەهەمان ڕۆژیشدا لەلایەن زۆرینەی ئەنجلیکانییەکانەوە یاد دەکرێتەوە. لەلای کڵێسای کاسۆلیکەوە لە جەژنی ناوی پیرۆزی یەسووعدا یاد دەکرێتەوە.[١]

دەقە ئینجیلییەکان[دەستکاری]

زنجیرەیەک وتار لەسەر
یەسووع

دووەمین بەشی ئینجیلی لۆقا باس لە خەتەنەکردنی یەسووع بەم جۆرە دەکات:

   
خەتەنەکردنی یەسووع
وە کاتێ هەشت ڕۆژ تێپەڕبوو بۆ خەتەنەکردنی منداڵەکە، ناو نرا یەسووع، وەکوو چۆن فریشتەکە پێش ئەوە بکەوێتە سکی دایکییەوە ناوی نا.
   
خەتەنەکردنی یەسووع

بەهەرحاڵ ئەم باسە بەبەراورد لەگەڵ سێیەمین بەشی نامەی پۆڵس بۆ خەڵکی فیلیپی کە لەلایەن پۆڵسەوە نووسراوە، زۆر کورتە، چوونکە لەوێدا پۆڵس بەدرێژیی باسی لەو ڕووداوە کردووە. ئەمە وای کرد کە لاهووتگەرانی وەک فرێدریش شلایەرماخەر و دەیڤد شتراوس کە وا دابنێن کە نووسەری ئینجیلی لۆقا خەتەنەکردنەکەی بە ڕاستییەکی مێژووی دانابێت یان لەوانەیە لە گێراندنەوەی کەسێکی ترەوە وەری گرتبێت. [٢]

سەرچاوەکان[دەستکاری]

  1. ویکیپیدیای ئینگلیزی
  2. The contrast however between the fullness of detail with which this point is elaborated and coloured in the life of the Baptist, and the barrenness with which it is stated in reference to Jesus, is striking, and may justify an agreement with the remark of Schleiermacher, that here, at least, the author of the first chapter is no longer the originator." - Strauss, 217