تۆیۆتا

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
Toyota Headquarter Toyota City.jpg

تۆیۆتا بۆ بزوێنەر Toyota Motor Corporation یان tmc ، یەکێکە لە کۆمپانیا گەورەکان بۆ بەرھەمھێنانی ئۆتۆمبیل.. بنکەی سەرەکی دەکەوێتە شاری "تۆیۆتا" لە یابان ،ئەم کۆمپانیایە جگە لە دروستکردنی ئۆتۆمبیڵ ھەڵدەستێ بە دروستکردنی (شاحنە) یان (باس)، تۆیۆتا لەسەر ئاستی کۆمپانیاکانی یابان یەکەم کۆمپانیایە لە رووی قەبارەی بەرھەم و رەواج ، وە هەرەها لە ساڵی ٢٠١٣ بوو بەیەکم کۆمپانیای بەرهەمهێنانی ئۆتۆمبیل بە جیاوازی ٢٧٠،٠٠٠ پێش جەنراڵ مۆتۆرزی ئەمریکی کەوت، شایەنی باسە کە ناودارترین ئۆتۆمبیلی لەوەتەی دەست بەکارکردنی تاوەکو ئێستا ئۆتۆمبیلی (کرۆلا)یە زۆرترین ئۆتۆمبیلیشە کە بۆ جیھان رەوانەی دەکات کە تاوەکو ئێستا ٢٣ ملیۆنی لێ دەرچوە،

مێژوو[دەستکاری]

Toyota Model AA.jpg

کیتشیرۆ تۆیۆتا لەساڵی ١٩٣٣ ئەم کارگەیەی دامەزراند ، ناوبراو ئەو کات تا زە لە ئامریکا گەرابوەوە و کۆنە کارگەیەکی باوکی ھەڵبژارد وەکو وەرشەیەک بۆ دروستکردنی ئۆتۆمبیل ، تا لە ساڵی ١٩٣٥ توانی یەکەم نموونە ئامادە بکات ، لە ساتە وەختی جەنگی دووەمی جیھانی حکومەتی یابانی داوای لە کۆمپانیاکە کرد کە بۆ ھێزەکانی یابان جێب و شاحنە دروست بکات، دوای جەنگیش کۆمپانیا دوبارە دەستی کردەوە بە بنیاد نانەوھی خۆی،بەڵام لە ساڵی ١٩٤٧ کێشەیەکی گەورە بەسەر کۆمپانیا ھات .. لەبەر ئەوەی قەرزەکان ھەمووی بەسەر یەک کۆ ببونەوە و خاوەنەکەی توانای نەبوو لەبەر ئەم قەرزانە مانگانەی کرێکارەکان بدات بۆیە لە دوایی "تۆیۆتا " وازی لە بەرێوەبەرایەتی کۆمپانیا ھێنا ،

رۆحێکی نوێ بۆ کۆمپانیا[دەستکاری]

"إیجی تویودا" و "شوإیتشی سائیتو" دوای "تۆیۆتا" ھەڵسان بە گرتنە دەستی بەرێوەبەرایەتی کۆمپانیا ، ئەم بەرێوەبەرانە سەرەتا ھەڵسان بە کرینی یەکەی دروستکردنی نوێ بۆ ئامادەکردنی ئۆتۆمبیل لە کاتی ویستراو ، ئەم دوو بەرێوەبەرە نوییە ھەڵسان بە دانانی پلان بۆ داھاتی کۆمپانیا بەوەی پارچە و کەرستەی خاویان ھەڵدەگرت بۆ بەکارھێنانی لە کاتی تەنگانە ، ئەوەبوو کۆمپانیا بەسەرکەوتویی لە ساڵی پەنجاکان کۆمەڵێک نمونەی ئامادە کرد ناودارترینیان "لاند کروزەر ١٩٥١" ی چوار پاڵنەر و "کراون ١٩٥٥" و "کرونا ١٩٥٧" . لە ساڵانی شەستەکان کۆمپانیا ھەستا بە دروستکرنی کۆمپانیای زیاتر بۆ ئامادە کردنی داواکاریە زۆرەکانی ، شایەنی باسە ئۆتۆمبیلی ‌ "کرۆڵا" رەواجێکی یەکجار زۆری لەسەر بوو کاتیک لە ساڵی ١٩٦٦ بەرھەم ھات . تا وایلێھات ساڵی ١٩٧٠ تۆیۆتا بوو بە چوارەم کۆمپانیای جیھانی بۆ ئۆتۆمبیڵ.

سیاسەتی نوێ[دەستکاری]

ساڵی ١٩٨٠ گۆرانێکی گەورە رویدا لە جیھانی ئۆتۆمبیل ، چونکە یابان توانی بۆ یەکەم جار بەسەر وڵاتە یەکگرتوەکان سەرکەوێت، بۆ ئەوەی ببێتە خاوەنی یەکەمین کۆمپانیا لە جیھان ، کۆمپانیای تۆیۆتاش کە ببو بە پلەی ٢ دوای "جنراڵ مۆتۆرزی " ئەمەریکی ھەڵسا بە بەستنی ھاوپەیمانی لەگەڵی بۆ دروست کردنی یەکەی نوێ لە شاری "لکسنتن"Lexington) لە ولایەتی کنتکی (Kentucky). دوای تێپەر بونی دەساڵ کۆمپانیا توانی زیاتر لە ٦.٥ ملیۆن دۆلار تەنھا لە باکوری ئەمەریکا بەدەست بێنێت. دوای ساڵی ٢٠٠١ کۆمپانیا توانی %١٠ ی بازاری قارەکە بۆخۆی ببات

ئێستا کۆمپانیای تۆیۆتا یەکەمە لە فرۆشتنی ئۆتۆمبیل لە جیھان بە جیاوازی ٢٧٠،٠٠٠ ئۆتۆمبیل لە پێش جەنراڵ مۆتۆرز ەوەیە کە رێژەکەی دەگاتە ٦ ئۆتۆمبیل لە ھەر چرکەیەک ، وە ژمارەی کارمەندانی دەگاتە ٢٩٩،٢٩٤ لە ١٧٠ وڵاتی جیھان.