تووپاک شاکوور

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان

ڕاپه‌ر و ئه‌کته‌ری جیهانی (Tupac Amaru Shakur) یان به‌ ناوی سته‌یج ناوی بنێین (توپاک) وه‌ نازناوی دڵخوازی خۆی (ماکیاڤێلی ، Makaveli)له‌ ٦/١/١٩٧١ له‌ ویلایه‌تی (نیویۆرک)ـی سه‌ر به‌ ئه‌مه‌ریکا له‌دایک بووه‌.شاکور زیاتر له‌ ٧٥ ملیۆن فرۆشیاری ئه‌لبومه‌کانی هه‌یه‌ له‌ سه‌رتاسه‌ری جیهاندا، له‌به‌ر ئه‌مه‌ ناوی چۆته‌ (باشترین و پڕ فرۆشترین هونه‌رمه‌ند له‌ هه‌موو کاتێکدا)، وه‌ نازناوی باشترین ڕاپه‌ری لێ ده‌نرێت له‌لایه‌ن زۆربه‌ی گۆڤاره‌کانه‌وه‌.له‌وانه‌Rolling Stone که‌ ناوی خسته‌ (٨٦)ـه‌مین گۆرانیبێژی جیهان له‌ هه‌موو کاتێکدا،جار و باریش پێی ده‌ڵێن باشترین ڕاپه‌ر له‌وکاته‌وه‌ی ڕاپ هه‌یه‌،بۆ نموونه‌ ڕیزی ژماره‌ دووی وه‌رگرت له‌ لیستی MTV بۆ ساڵی ٢٠٠٦ وه‌ نازناوی کاریگه‌رترین ڕاپه‌ر له‌ هه‌موو کاتێکدا،ئه‌لبومی دووه‌می که‌ ناوی All Eyez On Me بوو ، بوو به‌ پڕفرۆشترین ئه‌لبوم له‌ هه‌موو ئه‌مه‌ریکادا. توپاک،پیشه‌ی سه‌ره‌تای به‌ (دانس) و (به‌ڕێوه‌به‌ری ئاهه‌نگه‌کان) و (ڕاپ)ده‌ستپێکرد له‌ گروپی Digital Underground. ڕووکاری گۆرانییه‌کانی توپاک شاکور باس له‌ توند و تیژی و ته‌نگی و ناڕه‌حه‌تییه‌کانی ناو جه‌رگه‌ی شاره‌کان و ڕه‌گه‌ز په‌رستی و کێشه‌کانی تری کۆمه‌ڵگایه‌. هه‌ردوو دایک و باوکی ئه‌ندام بوون له‌ گروپی Black Panther Party که‌ بیرۆکه‌ی گروپه‌که‌ له‌ گۆرانییه‌کانی توپاکدا ڕه‌نگ ده‌داته‌وه‌. له‌ کۆتاییه‌کانی پیشه‌که‌یدا،شاکور تێوه‌گلا له‌ به‌ربه‌ره‌کانی نێوان که‌ناری ڕۆژئاوا و ڕۆژهه‌ڵاتی ئه‌مه‌ریکا،وه‌ به‌شداربوونی له‌و پێکدادانه‌ له‌گه‌ڵ ڕاپه‌رانی تر،ده‌رهێنه‌رانی تر،ستاف و ستۆدیۆی ڕاپه‌رانی تر، به‌ناوبانگترینیان The Notorious B.I.G وه‌کۆمپانیا میوزیکییه‌که‌ی به‌ناوی Bad Boy Records له‌ حه‌وته‌مین ڕۆژی مانگی ٩ ساڵی ١٩٩٦ ، شاکور چه‌ند فیشه‌کێکی پێوه‌نرا له‌لایه‌ن سه‌یاره‌یه‌کی لاته‌نیشته‌وه‌ له‌سه‌ر ڕێگای Flamingo ، له‌ ویلایه‌تیLas Vegas, Nevada ، دواتر برا بۆ نه‌خۆشخانه‌ی زانکۆیی ناوه‌ند له‌ باشوری Nevada،که‌ دوای شه‌ش ڕۆژ مانه‌وه‌ی هه‌ر له‌وێ مرد.