بەکارھێنەر:ابراهیم تاقانە
' قەت لە بەهاناوە هاتنی پەروەردگار بێ ئومێد مەبە
كەشتییەك لەنێو دەریا بوو، رەشەبایەكی توند هەڵیكرد و كەشتییەكەی هەڵگێڕا، بەشێكی زۆر لە سەرنشینانی نێو كەشتییەكە، نقوومی دەریا بوون و خنكان. هەندێكیشیان رزگار بوون، لەنێو رزگاربووان پیاوێكی بەتەمەن، كە خۆی بە پەلەدارێكی كەشتییەكە گرتەوە و تا گەیاندیە دوورگەیەكی پڕ لە داری بێ مرۆڤ و دوورە دەست ... كە خۆی لەو بارە بینیەوە، بەتەواوی ئومێد بڕ بوو و لەخوا دەپاڕایەوە كە لەو دوورگەیە رزگاری بكات. رۆژان هاتن و رۆیشتن، پیاوەكە تەنیا گەڵای دارەكانی دەخوارد، ئەگەر رۆژێك بیتوانیبا كەروێشكێكی ئەو ناوچەیە بگرێت و بیخوات، ئەوا جەژنێك بوو بۆ خۆی لە قەد و گەڵای دارەكان، ماڵێكی بچووكی بۆ خۆی دروست كردبوو، تا هیچ نەبێت لەو سەرمایە مرۆڤتەزێنە رزگاری بكات رۆژێك، كابرا كەروێشكێكی گرتبوو و لەنێو كوخەكەی بە ئاگری دار دەیبرژاند، بۆ گەڕان بەدوای دار هاتە دەرەوە و لە كوخەكە دوورە كەوتەوە، كە هاتەوە چ ببینێت، كوخەكەی بەتەواوی سووتاوە، بۆتە خۆڵەمێش بە ناشوكرییەوە گوتی: خوایە گیان، كە رزگارم ناكەیت، بۆ ماڵم دەسووتێنی، ئاخر گوناهم چییە ئەو هەموو مەرگەساتەم بەسەر دەبارێنی؟!!
دوای چەند كاژێرێك، كەشتییەكی بینی لە دوورەوە بەرەو رووی دێت و كە نزیكتر بووەوە بەلەمێك لە كەشتییەكە بەرەو رووی هات بۆ دەربازكردنی كە هۆكاری هاتن و زانینی شوێنی خۆی لێیان پرسی، گوتیان: كە دووكەڵی ئاگرمان لە دوورەوە بینی، زانیمان یەكێكە لەو دوورگەیە، داوای هانابردن و رزگاربوون دەكات.
- خوا خۆی شتەكان پێكدێنێت، بێ ئەوەی ئێمە پێی بزانین
- ئەگەر بارودۆخی ژیانت قورس بوو، مەترسە و بڕوا بەوە بێنە كە خوایەك هەیە ئاگای لێتە و حیكمەتێك لەدوای ئەو رووداوەی تۆوە هەیە، قەت گومانی خراپ مەبە