بیانوو

لە لۆژیکدا، بیانوو یان ئارگۆمەنت لە دوو بەش پێک دێ:

1. پێشەکییەکان: ھەر پێشەکی ڕستەیەکی ھەواڵییە، یان دەکرێ بڵێین پێشنیارێکە. بیانوو بۆی ھەیە چەند پێشەکیی ھەبێ.
2. کۆتایی یان ئاکام: ئەمەش ڕستەیەکی ھەواڵیی دیکەیە.

بیانووکان دوو جۆرن: "ھەڵھێنجانی" و "سۆراغکارانە". بیانووە ھەڵھێنجانییەکان بانگەشەی ئەوە دەکەن کە ڕاستبوونی بەشی کۆتایی، ئاکام یان شۆنھاتی ئەنجامگرانەی پێشەکییەکانە. بیانووە سۆراغکارانەکان بانگەشەی ئەوە دەکەن کە ڕاستبوونی بەشی کۆتایی لەلایەن پێشەکییەکانەوە پشتیوانیی لێ دەکرێ.

نموونەی بیانووی ھەڵھێنجانی

کاتێک باران دەبارێ، چیمەنەکان تەڕ دەبن. ئێستاش باران دەبارێ، کەوایە، چیمەنەکان تەڕن.

پێشەکییەکان:

• کاتێک باران دەبارێ، چیمەنەکان تەڕ دەبن
• ئێستا باران دەبارێ

کۆتایی (ئاکام):

• ئێستا چیمەنەکان تەڕن.

نموونەی بیانووی سۆراغکارانە

ھەرجار کە باران باریوە چیمەکانیش تەڕ بووگن. کەوایە، کاتێک باران ببارێ، چیمەنەکان تەڕ دەبن.

پێشەکییەکان:

• ھەرجار کە باران باریوە چیمەکانیش تەڕ بووگن.

کۆتایی (ئاکام):

• کاتێک باران ببارێ، چیمەنەکان تەڕ دەبن.