ئانا ئاخماتۆڤا

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان
ئانا ئاخماتۆڤا
ناوی خۆماڵی Анна Ахматова
لەدایکبوون ٢٣ی جوونی ١٨٨٩
ئۆدێسا، ئیمپراتۆری ڕووسیا(ئۆکرانیای ئەوڕۆ)
مەرگ ٥ی ماڕچی ١٩٦٦
مۆسکۆ، یەکێتیی سۆڤیەت
شوێنی گۆڕ سەن پیتربوروگ
نەتەوە ڕووسی، ئۆکرانی، تاتار
پیشە شاعر، نووسەر، وەرگێڕ
ناوبانگ شعری مۆدێرن
شێواز شعری مۆدێرن
منداڵەکان لێڤ گۆمیلیێڤ

ئانا ئاخماتۆڤا (بە ڕووسی: Анна Ахматова)ناوی تەواوی لانا ئەندریڤنا گۆرنکۆ (ماوەی ژیان:٢٣ی حوزەیرانی ١٨٨٩ تاکوو ٥ی ئازاری ١٩٦٦)، شاعر و نووسەری خەڵکی ڕووسیایە. ئانا زۆرتر سەبارەت بە دژواری ژیان لە ژێر دەسەڵاتی ستالین و یەکێتیی سۆڤیەتدا شعری وتووە.[١]

ژیان[دەستکاری]

شاعیرێکی ڕووسی بووە، بە ناودارترین شاعیرەکانی ڕوسیای سەردەمی یەکێتیی سۆڤیەت بووە، شیعرەکانی گەورەترین کاریگەری ھەبووە بەسەر شیعری ڕوسیەوە و لەناودارتین شاعیرەکانی ڕوسیایە لە سەدەی بیستەم و شیعرەکانی بۆ زۆربەی زۆری زمانەکانی جیھان وەگێڕدراوە. ئانا ئەخماتۆڤا لە ٢٣ یۆلیۆی ساڵی ١٨٨٩ لە ڕوسیا لەدایک بووە، دوای دوو ساڵ لەدایک بوونی خێزانەکەی ڕۆشتوون بۆ بترسبۆرگ، ساڵی ١٩٠٥ دوای ئەوەی دایکی لەباوکی جیابۆتەوە لەگەڵ دایکیا ڕۆشتوون بۆ یڤباتۆریا و کێیف و ھەر لەو دوو شوێنە قۆناغەکانی خوێندنی تەواوکردووە و نیقۆڵای گۆمیلۆڤی ناسیوە و ساڵی ١٩١٠ ھاوسەرگیری لەگەڵدا کردووە و کوڕێکیان بووە، ساڵی ١٩١٨ مێردەکەی تەڵاقی داوە و شویکردووە بە ڤلادیمیر شلیکۆی زانای ئاشووریەکان، ساڵی ١٩٢٢ لە ڤلادیمیر جیابۆتەوە و بۆ جاری سێیەم ھاوسەرگیری لەگەڵ نیکۆڵای پۆنین کردووە. ئانا ئەخماتۆڤا حەزی لە زمانی فەرەنسی بووە و خۆی فێری ئەم زمانە کردووە و بەجوانی قسەی پێکردووە و نوسیوێتی، ھۆگری مێژو و وێژە بووە و ئاشنایەتی لەگەڵ وێژەی ئەوروپی و ڕۆسی پەیدا کردووە، زۆرترین شت سەرنجی ڕاگێشابێت شیعر بووە کە تا دوا ساتەکانی ژیانی لەگەڵیا بووە. ئانا ئەخماتۆڤا لەتەمەنی ١١ ساڵیدا دەستی کردووە بە شیعر نووسین، لە ساڵی ١٩١٠ بەشێوەیەکی بەرچاو بەرھەمەکانی زیادی کردووە، ساڵی ١٩١١ لەگەڵ کەڵە شاعیرانی ڕوسیا کۆڕی گێڕاوە و بۆتە یەکێک لە شاعیرە ناودارەکانی ڕوسیا، ساڵی ١٩١٢ یەکەم دیوانی شیعری خۆی بڵاوکردۆتەوە و دوابەدوای ئەوە چەندەھا دیوانی دیکەی بڵاوکردۆتەوە. ئانا ئەخماتۆڤا لە ٥ی ئازاری ساڵی ١٩٦٦ لەتەمەنی ٧٦ ساڵیدا لە مۆسکۆ کۆچی دوایی کردووە.


سەرچاوەکان[دەستکاری]

  1. http://www.slate.com/articles/news_and_politics/clives_lives/2007/02/anna_akhmatova.2.html